ᑭᕙᓪᓕᕐᒥᑦ ᐆᒪᔪᓕᕆᔨᒃᑯᑦ
ᑭᕙᓪᓕᕐᒥᑦ ᐆᒪᔪᓕᕆᔨᒃᑯᑦ ᐅᑯᐊᖑᔪᑦ ᐃᒃᓯᕙᐅᑕᐃᑦ ᐊᑐᓂ ᑭᕙᓪᓕᕐᒥᑦ ᓄᓇᓕᖕᓂᑦ ᐆᒪᔪᓕᕆᔨᐊᓛᒃᑯᓐᓂᑦ; ᐃᒃᓯᕙᐅᑕᖅ ᑭᕙᓪᓕᕐᒥᑦ ᐆᒪᔪᓕᕆᔨᒃᑯᓐᓂᑦ ᓂᕈᐊᖅᑕᐅᖃᑦᑕᖅᑐᖅ ᐆᒪᔪᓕᕆᔨᐊᓛᓄᑦ ᓯᑕᒪᓄᓪᓗ ᐅᑭᐅᓄᑦ ᐃᒃᓯᕙᐅᑕᐅᑉᓗᓂ. ᑭᕙᓪᓕᕐᒥᑦ ᐆᒪᔪᓕᕆᔨᒃᑯᑦ ᓯᑕᒪᓂᒃ ᐱᔭᒃᓴᐅᑎᖃᓗᐊᖅᑐᑦ ᑎᑎᕋᖅᓯᒪᔪᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒥᑦ:
- ᒪᓕᒐᓕᕆᓂᖅ ᒪᖃᐃᓐᓂᐅᔪᓂᒃ ᐊᒻᒪᓗ ᐊᑐᖅᑕᐅᖃᑦᑕᖅᑯᓂᒃ ᐆᒪᔪᓕᕆᔨᐊᓛᒃᑯᓐᓄᑦ ᐊᕕᒃᑐᖅᓯᒪᔪᒥᑦ, ᐃᓚᐅᑉᓗᓂ ᐊᑐᖅᑕᐅᓂᖏᑦ ᖃᑉᓯᐅᓂᕐᓄᑦ-ᑭᒡᓕᖃᙱᑦᑐᓄᑦ ᑭᒡᓕᖃᕐᓂᐅᔪᑦ;
- ᐃᓕᔭᐅᓂᖏᑦ ᐊᒻᒪᓗ ᐊᑐᖅᑕᐅᑎᓐᓂᖏᑦ ᐊᕕᒃᑐᖅᓯᒪᔪᒥᑦ ᐱᔭᐅᔭᕆᐊᖃᖅᑐᑦ ᓇᓃᓐᓂᖏᑦ ᐊᒻᒪᓗ ᐋᖅᑭᒋᐊᖅᑕᐅᓂᖏᑦ ᐱᔭᐅᔭᕆᐊᖃᖅᑐᑦ ᓇᓃᓐᓂᖏᑦ ᐆᒪᔪᓕᕆᔨᐊᓛᒃᑯᓐᓄᑦ ᐊᕕᒃᑐᖅᓯᒪᔪᒥᑦ;
- ᐱᓕᕆᐊᒃᓴᖅᑖᖅᑎᑕᐅᓂᖓ ᑭᓇᑐᐃᓐᓇᐅᑉ ᐅᕝᕙᓘᓐᓃᑦ ᑲᑐᔾᔨᖃᑎᒌᑦ ᐆᒪᔪᓕᕆᔨᐊᓛᒃᑰᖏᑦᑐᖅ, ᐱᒻᒪᕆᐅᔪᒃᑯᑦ ᐃᓱᒪᒃᓴᖅᓯᐅᕈᑎᒋᔭᐅᑉᓗᑎᒃ ᐃᓱᒪᒃᓴᖅᓯᐅᕈᑎᒋᔭᐅᖏᖦᖢᑎᒡᓘᓐᓃᑦ, ᓇᓕᑐᐃᓐᓇᖏᓐᓄᑦ ᐊᕕᒃᑐᖅᓯᒪᔫᑉ ᐱᔭᕆᐊᖃᖅᑕᖏᑦᑕ ᓇᓃᓐᓂᕆᔭᖏᓐᓄᑦ; ᐊᒻᒪᓗ
- ᐊᐅᓚᑦᑎᓗᓂ ᒪᖃᐃᖃᑦᑕᖅᑕᖏᓐᓄᑦ ᐆᒪᔪᓕᕆᔨᐊᓛᒃᑯᑦ ᑲᑎᒪᔨᖏᑦ ᐊᕕᒃᑐᖅᓯᒪᔪᕐᒥᑦ.
