Nunavumi Inuit Umayuliqiyit Havakviat
NIWS-kut Katimayiit katimahimayut January-mi 2006-mi tikuaqhiyaagani havaarilraqtakahinik timiuyumi uqauhiqaqhutiklu nunai ukiuktaqtumilu ihumagiyauyut. Pijutauluaqtukhat ihuaqhaqtait Katimayit ukuaguyut:
- Pipkailutik naunaitunik, takuukhautiaqtunik, nalaumayuniklu maniliqinikut unipkaat Katimayinik HTO-kuniklu.
- Pipkailutik aipagutuaraagat unipkaamik HTO-kut RWO-kulu atulaaqtaini AGM-giyamikni.
- Ihuaqhaqniginik RWO-kut katimanigit uqaqatigiyauniginiklu.
- Ihuaqhaqlugit pitquhiqnik pigiarutiniklu maliruakhait NIWS-kut.
NIWS-kut aulavaliaginaqtut ukpiriyauliqhutiklu hatqiqtauni-ganit pigiarutauyuq malruukni timiuyuknik upagiami NIWS-kut iniqhiyaamikni ikayuqtiriigutinik ayuiqhajutikhani, ikayuutit atuqnigini, nunagiyauyulu uqaqatiriyaunigani ilainait uqauhirilugit. Havaakhijutauluaqtuq Havakvikmi pipkaiyaagani maniliqinikut aulanigagulu ikayuutikhanik HTO-kunut RWO-kunulu, NIWS-kut ikayuqtuiliqniaqtuqlu aalani hulijutini imaitunik ihivriuqniginik ilituqhaiyumayut tuukhiutainik, umayunik munarinigagut amirinigagulu pitqhiqmiklu pivalianiganik.
Ilagit Iniqhimaliqtut Ublumimut
- Nutaguqtiqnigit nalautiqlugilu RWO-kut maniliqinikut naunaipkutit;
- Ihuaqhaqniginik Maniliqinikut Naunaipkutit HTO-kut agumatiliriagani Malagatigut Naunaipkutini;
- Iniqhilutik titiraqvikhanik Kugaaqyukmi, Kagiqliniqmi, Kimirunmi, Iqalukni, Hanirayakmilu inuqaliqlutiklu havakviuyukhat ukunani nunagiyauyuni;
- Nutaguqtiqlugit maliruat agiqtauhimayut tamainit pigahunit RWO-guyunit;
- Ikayuqlutik nutaguqtiqniginik ihuaqhaqniginiklu HTO-kut naunaipkutait ilituqhaktauyukhat
- Havaqatigitiaqlugit Kanatami Manikhaanik Havakviuyumi (CRA) havaktut ukua HTO-kut RWO-kulu maniliqijutait nutauniqhauliriagani ;
- Iniqhilutik atautimit akiliqtuivikhamik ukunigalu HTO-kuni Ataniuyunik, 24-ni 25-nit nunagiyauyuni avatqumayulu 1-hanat HTO-kuni Katimayini ilauyut;
- RWO-kut Aipagutuaraagat Katimaqyuaqviknik (AGM-guyut), Katimaviuqataqtulu katimayinit hivayautikulu katimaniginik iniqpagiagani piyariaqaliraagata, katimayutini uqauhiuyunik pigiaqtijutiniklu iniqtiqpagiagani;
- Ikayuqlugit RWO-kut HTO-lu ihivriuqnigani kiugiaqlugilu ilituqhainikut tuukhaitinik;
- Ikayuqtuqlugit Nunavumi Agunahuaqtunik Ikayuutinik Havaami (NHSP) havaktut atuqtiniginik, amiriniginik, kiguanilu munariniganik havaaq;
- Iniqhihimayut amigaitunik aulaniqatiaqtunik Ataniuyut ayuiqhavikhait Kagiqliniqmi Iqaluknilu;
- Iniqhihimayut amigaitunik Katimayit Hivuliqhuqtit ayuiqhaniqinik nunagiyauyuni;
- Iniqhihimayut Maniliqinikut Havaktulu Pitquhikhainik HTO-kuni;
- Manikhaakhainik Ikayuuhiakhainiklu havauhikhai-niklu uqatiaqniginik HTO-kuni ataniuyut;
- Iniqhihimayut tatqiqhiut naatkagat manikhauhikhanik pitquhiuyumik.